Chori Chori Hum Se Tum Aa Kar Miley Thay Jis Jagah | Hasrat Mohani petry

 

Hasrat Mohani

Chori Chori Hum Se Tum Aa Kar Miley Thay Jis Jagah Lyrics in Urdu

چپکے چپکے رات دن آنسو بہانا یاد ہے 

ہم کو اب تک عاشقی کا وہ زمانا یاد ہے 

باہزاراں اضطراب و صدہزاراں اشتیاق 

تجھ سے وہ پہلے پہل دل کا لگانا یاد ہے 

بار بار اٹھنا اسی جانب نگاہ شوق کا 

اور ترا غرفے سے وہ آنکھیں لڑانا یاد ہے 

تجھ سے کچھ ملتے ہی وہ بے باک ہو جانا مرا 

اور ترا دانتوں میں وہ انگلی دبانا یاد ہے 

کھینچ لینا وہ مرا پردے کا کونا دفعتاً 

اور دوپٹے سے ترا وہ منہ چھپانا یاد ہے  

تجھ کو جب تنہا کبھی پانا تو از راہ لحاظ 

حال دل باتوں ہی باتوں میں جتانا یاد ہے 

جب سوا میرے تمہارا کوئی دیوانہ نہ تھا 

سچ کہو کچھ تم کو بھی وہ کارخانا یاد ہے 

غیر کی نظروں سے بچ کر سب کی مرضی کے خلاف 

وہ ترا چوری چھپے راتوں کو آنا یاد ہے 

آ گیا گر وصل کی شب بھی کہیں ذکر فراق 

وہ ترا رو رو کے مجھ کو بھی رلانا یاد ہے 

دوپہر کی دھوپ میں میرے بلانے کے لیے 

وہ ترا کوٹھے پہ ننگے پاؤں آنا یاد ہے 

آج تک نظروں میں ہے وہ صحبت راز و نیاز 

اپنا جانا یاد ہے تیرا بلانا یاد ہے 

میٹھی میٹھی چھیڑ کر باتیں نرالی پیار کی 

ذکر دشمن کا وہ باتوں میں اڑانا یاد ہے 

دیکھنا مجھ کو جو برگشتہ تو سو سو ناز سے 

جب منا لینا تو پھر خود روٹھ جانا یاد ہے 

چوری چوری ہم سے تم آ کر ملے تھے جس جگہ 

مدتیں گزریں پر اب تک وہ ٹھکانا یاد ہے 

شوق میں مہندی کے وہ بے دست و پا ہونا ترا 

اور میرا وہ چھیڑنا وہ گدگدانا یاد ہے 

باوجود ادعائے اتقا حسرتؔ مجھے 

آج تک عہد ہوس کا وہ فسانا یاد ہے

Chori Chori Hum Se Tum Aa Kar Miley Thay Jis Jagah Lyrics in English

Chupkay Chupkay Raat Din Ansoo Bahana Yaad Hai

Hum Ko Ab Tak Aashiqii Ka Woh Zmana Yaad Hai

Bahzaraan Iztiraab O Sadhazaraan Ishtiaq

Tujh Se Woh Pehlay Pehal Dil Ka Lagana Yaad Hai

Baar Baar Uthna Isi Janib Nigah Shoq Ka

Aur Tra Gharfay Se Woh Ankhen Ladana Yaad Hai

Tujh Se Kuch Mlitay Hi Woh Be Baak Ho Jana Mra

Aur Tra Danoton Mein Woh Ungli Dabana Yaad Hai

Khech Lena Woh Mra Parday Ka Kona Dafatan

Aur Dupattay Se Tra Woh Mun Chhupana Yaad Hai

Tujh Ko Jab Tanha Kabhi Paana To Az Raah Lehaaz

Haal Dil Baton Hi Baton Mein Jatana Yaad Hai

Jab Siwa Mere Tumhara Koi Deewana Nah Tha

Sach Kaho Kuch Tum Ko Bhi Woh Karkhana Yaad Hai

Ghair Ki Nazron Se Bach Kar Sab Ki Marzi Ke Khilaaf

Woh Tra Chori Chupay Raton Ko Aana Yaad Hai

Aa Gaya Gir Wasal Ki Shab Bhi Kahin Zikar Faraaq

Woh Tra Ro Ro Ke Mujh Ko Bhi Rulana Yaad Hai

Dopehar Ki Dhoop Mein Mere Bulanay Ke Liye

Woh Tra Kothey Pay Nangay Paon Aana Yaad Hai

Aaj Tak Nazron Mein Hai Woh Sohbat Raaz O Niaz

Apna Jana Yaad Hai Tera Bulana Yaad Hai

Meethi Meethi Chairr Kar Baatein Nirali Pyar Ki

Zikar Dushman Ka Woh Baton Mein Urana Yaad Hai

Dekhna Mujh Ko Jo Bur-ghashta To So So Naz Se

Jab Mana Lena To Phir Khud Roth Jana Yaad Hai

Chori Chori Hum Se Tum Aa Kar Miley Thay Jis Jagah

Muddatein Guzren Par Ab Tak Woh Thikana Yaad Hai

Shoq Mein Mehndi Ke Woh Be Dast O Pa Hona Tra

Aur Mera Woh Chhairna Woh Gudgudana Yaad Hai

Bawajood Adae Ettqa Hassrat Mujhe

Aaj Tak Ehad Hawas Ka Woh Fasans Yaad Hai

Poet : Hasrat Mohani