Amjid Islam Amjid || Ho Sakay To Sun Jao Aik Roz Akailey Mein

Amjid Islam Amjid

 

Ho Sakay To Sun Jao Aik Roz Akailey Mein Lyrics in Urdu

زندگی کے میلے میں خواہشوں کے ریلے میں 

تم سے کیا کہیں جاناں اس قدر جھمیلے میں 

وقت کی روانی ہے بخت کی گرانی ہے 

سخت بے زمینی ہے سخت لا مکانی ہے 

ہجر کے سمندر میں 

تخت اور تختے کی ایک ہی کہانی ہے 

تم کو جو سنانی ہے 

بات گو ذرا سی ہے 

بات عمر بھر کی ہے 

عمر بھر کی باتیں کب دو گھڑی میں ہوتی ہیں 

درد کے سمندر میں 

ان گنت جزیرے ہیں بے شمار موتی ہیں 

آنکھ کے دریچے میں تم نے جو سجایا تھا 

بات اس دئے کی ہے 

بات اس گلے کی ہے 

جو لہو کی خلوت میں چور بن کے آتا ہے 

لفظ کی فصیلوں پر ٹوٹ ٹوٹ جاتا ہے 

زندگی سے لمبی ہے بات رت جگے کی ہے 

راستے میں کیسے ہو 

بات تخلیئے کی ہے 

تخلیئے کی باتوں میں گفتگو اضافی ہے 

پیار کرنے والوں کو اک نگاہ کافی ہے 

ہو سکے تو سن جاؤ ایک روز اکیلے میں 

تم سے کیا کہیں جاناں اس قدر جھمیلے ہیں

Ho Sakay To Sun Jao Aik Roz Akailey Mein Lyrics in English

Zindagi Ke Melay Mein Khawahishon Ke Railay Mein

Tum Se Kya Kahin Janan Is Qader Jhamailay Mein

Waqt Ki Ravani Hai Bikhat Ki Gharani Hai

Sakht Be Zameeni Hai Sakht Laa Makani Hai

Hijar Ke Samandar Mein

Takhat Aur Takhtay Ki Aik Hi Kahani Hai

Tum Ko Jo Sunani Hai

Baat Go Zara Si Hai

Baat Umar Bhar Ki Hai

Umar Bhar Ki Baatein Kab Do Ghari Mein Hoti Hain

Dard Ke Samandar Mein

Un Ginat Jazeeray Hain Be Shumaar Moti Hain

Aankh Ke Dareechay Mein Tum Ne Jo Sajaya Tha

Baat Is Diye Ki Hai

Baat Is Gilaay Ki Hai

Jo Lahoo Ki Khalwat Mein Chor Ban Ke Aata Hai

Lafz Ki Faseelon Par Toot Toot Jata Hai

Zindagi Se Lambi Hai Baat Ruut Jagay Ki Hai

Rastay Mein Kaisay Ho

Baat Takhliya Ki Hai

Takhliya Ki Baton Mein Guftagu Izafi Hai

Pyar Karne Walon Ko Ik Nigah Kaafi Hai

Ho Sakay To Sun جاؤ Aik Roz Akailey Mein

Tum Se Kya Kahin Janan Is Qader Jhamailay Hain

Poet : Amjid Islam Amjid