Kaanton Se Bhara Hai Daman Dil | saghar siddiqui

 

Kaanton Se Bhara Hai Daman Dil Shabnam Se Sulagti Hain Palken Lyrics in Urdu

روداد محبت کیا کہیے کچھ یاد رہی کچھ بھول گئے

دو دن کی مسرت کیا کہئے کچھ یاد رہی کچھ بھول گئے

جب جام دیا تھا ساقی نے جب دور چلا تھا محفل میں

اک ہوش کی ساعت کیا کہیے کچھ یاد رہی کچھ بھول گئے

اب وقت کے نازک ہونٹوں پر مجروح ترنم رقصاں ہے

بیداد مشیت کیا کہیے کچھ یاد رہی کچھ بھول گئے

کچھ حال کے اندھے ساتھی تھے کچھ ماضی کے عیار سجن

احباب کی چاہت کیا کہیے کچھ یاد رہی کچھ بھول گئے

کانٹوں سے بھرا ہے دامن دل شبنم سے سلگتی ہیں پلکیں

پھولوں کی سخاوت کیا کہیے کچھ یاد رہی کچھ بھول گئے

اب اپنی حقیقت بھی ساغرؔ بے ربط کہانی لگتی ہے

دنیا کی حقیقت کیا کہیے کچھ یاد رہی کچھ بھول گئے

Kaanton Se Bhara Hai Daman Dil Shabnam Se Sulagti Hain Palken Lyrics in English

Rudaad Mohabbat Kya Kahiye Kuch Yaad Rahi Kuch Bhool Gaye

Do Din Ki Musarrat Kya K_hye Kuch Yaad Rahi Kuch Bhool Gaye

Jab Jaam Diya Tha Saqi Ne Jab Daur Chala Tha Mehfil Mein

Ik Hosh Ki Saa-at Kya Kahiye Kuch Yaad Rahi Kuch Bhool Gaye

Ab Waqt Ke Naazuk Honton Par Majrooh Tarannum Raqsaan Hai

Beddad Mushiyat Kya Kahiye Kuch Yaad Rahi Kuch Bhool Gaye

Kuch Haal Ke Andhay Saathi Thay Kuch Maazi Ke Ayyar Sjn

Ahbaab Ki Chahat Kya Kahiye Kuch Yaad Rahi Kuch Bhool Gaye

Kaanton Se Bhara Hai Daman Dil Shabnam Se Sulagti Hain Palken

Phoolon Ki Sakhavat Kya Kahiye Kuch Yaad Rahi Kuch Bhool Gaye

Ab Apni Haqeeqat Bhi Saghar Be Rabt Kahani Lagti Hai

Duniya Ki Haqeeqat Kya Kahiye Kuch Yaad Rahi Kuch Bhool Gaye

Poet : Saghar Siddiqui