Kaasa e Dil Ki Gham Angaiz Khanak Lyrics in Urdu | Javed Ahmed Poetry

Kaasa e Dil Ki Gham Angaiz Khanak Lyrics in Urdu

ریگِ ساحل سے ترے قامتِ کہسارتلک

جلتے شہروں سے ترے دل کے چمن زار تلک 

اڑتے رنگوں کی دل آویز دھنک سے میں نے

اپنی خلوت کو کئی بار چمکتے دیکھا 

کاسہ ء دل کی غم انگیز کھنک سے میں نے 

تیری آواز کی خوشبو کو گذرتے دیکھا 

صحنِ پامال سے افلاک کی نیلاہٹ تک

ابرِ بے فیض سے  اک اجڑے ہوئے پنگھٹ تک 

کتنی بے رنگ ادھوری سی رتوں میں میں نے 

اپن ے جیون کو کئی بار تڑپتے دیکھا 

تن میں پھیلی ہوئی بے حال رگوں میں میں نے 

اک الائو سا ترے نام کا جلتے دیکھا 

شامِ بے وصل سے اک خونِ سحر کی لو تک 

شعلہ ء دل سے تری شمعِ نظر کی لو تک 

جھلملاتے ہوئے کچھ خواب نما چہروں کو 

اپنی یادوں کی لکیروں سے ابھرتے دیکھا 

ہجر آمیز تڑپتے ہوئے کچھ لمحوں کو 

روشنی بن کے خیالوں میں اترتے دیکھا

Kaasa e Dil Ki Gham Angaiz Khanak Lyrics in English

Raig Saahil Se Tre Qaamat Kohsar Talak

Jaltay Shehron Se Tre Dil Ke Chaman Zaar Talak

Urrtay Rangon Ki Dil Aawez Dhanak Se Mein Ne

Apni Khalwat Ko Kayi Baar Chamakate Dekha

Kaasa e Dil Ki Gham Angaiz Khanak Se Mein Ne

Teri Aawaz Ki Khushbu Ko Gzrte Dekha

Sehan Pamaal Se Aflaaq Ki Neelahat Tak

Abre Be Faiz Se Ik Ujre Hue Panghat Tak

Kitni Be Rang Adhuri Si Ruttoon Mein Mein Ne

Apun Y Jevan Ko Kayi Baar Tarapty Dekha

Tan Mein Phaily Hui Be Haal Ragon Mein Mein Ne

Ik Alaoo Sa Tre Naam Ka Jaltay Dekha

Shamِ Be Wasal Se Ik Khon-e Sehar Ki Lo Tak

Shola Hamza Dil Se Tri Shama Nazar Ki Lo Tak

Jhil_milaate Hue Kuch Khawab Numa Cheharon Ko

Apni Yaado Ki Lakiron Se Ubhartay Dekha

Hijar Amaiz Tarapty Hue Kuch Lamhoon Ko

Roshni Ban Ke Khayalon Mein Utartay Dekha

Poet : Javed Ahmed